संकल्प के तीन विद्यार्थी डॉ अम्बेडकर राष्ट्रीय मेरिट अवार्ड ले सम्मानित

जशपुरनगर, जिला प्रशासन जशपुर कोति ले जिला के लइका मन ल बेहतर आवासीय शिक्षा देहे के उद्देश्य ले जशपुर नगर म संचालित संकल्प शिक्षण संस्था के तीन होनहार लइका मन ल दसवीं बोर्ड के परीक्षा म लसउस नत्‍बर के संग पाय होए म डॉ. अम्बेडकर राष्ट्रीय मेरिट अवार्ड मिले हे। डॉ. अम्बेडकर प्रतिष्ठान समाजिक न्याय अऊ अधिकारिता मंत्रालय भारत सरकार कोति ले संकल्प शिक्षण संस्था के तीन पढ़ईया लईका मन ल डॉ अम्बेडकर मेरिट अवार्ड मिलना जशपुर जिला बर गौरव के बात हे।

जिला कलेक्टर श्री निलेशकुमार महादेव क्षीरसागर चुने गए होनहार मन ल बुधवार के दिन इहां कलेक्टोरेट म बधाई अउ शुभकामना देवत ओ मन ल अवार्ड के नगद राशि अउ प्रशस्ति पत्र भेंट करके सम्मानित करे गीस।

संकल्प के तीन विद्यार्थी अनूप भगत, कु. पूर्णिमा पैंकरा अउ जया परहा ह कक्षा 10 वीं के बोर्ड परीक्षा 2017 म मेरिट म स्थान प्राप्त करके उत्तीर्ण होए हें। जेखर सेती भारत सरकार के सामाजिक अऊ अधिकारिता मंत्रालय के डॉ अम्बेडकर प्रतिष्ठान कोति ले ए तीनों के चयन डॉ अम्बेडकर राष्ट्रीय मेरिट अवार्ड बर करे गीस। जिला कलेक्टर नीलेश महादेव क्षीरसागर ह संकल्प के छात्र अनूप भगत ल 50 हजार के बैंक ड्राफ्ट अउ प्रशस्ति पत्र, कु. पूर्णिमा पैंकरा अउ जया परहा ल 10 हजार रु के बैंक ड्राफ्ट अउ प्रशस्ति पत्र देके सम्मानित करे गीस। ए अवसर म संकल्प शिक्षण संस्थान के प्राचार्य विनोद गुप्ता, यशस्वी जशपुर के संजीव शर्मा, सरीन राज उपस्थित रहिन।