परंपरागत व्यवसाय ल आघू बढ़ाए ब हमर सरकार प्रतिबद्ध, जेकर ले युवा जुड़त हे परंपरागत व्यवसाय ले

पैरा ले बने सबले बडे़ पोट्रेट बनाइस मुख्यमंत्री श्री भूपेश बघेल के, गोल्डन बुक आफ वर्ल्ड रिकार्ड म दर्ज
सर्व समाज ब 25 लाख रुपिया के सामुदायिक भवन के घोषणा, गोडगिरी म खुलही सहकारी बैंक, स्वामी आत्मानंद योजना ले होही हसदा के स्कूल के उन्नयन
रायपुर, महान संत गाडगे जी महाराज के 147 वीं प्रदेश स्तरीय जयंती अउ सामाजिक महाधिवेशन कार्यक्रम म शामिल होए बेमेतरा जिला के बेरला ब्लाक के गाँव हसदा पहुंचिस मुख्यमंत्री श्री भूपेश बघेल ह सामाजिकजन ल अपन संदेश म कहिस कि वैश्वीकरण के ए समय म परंपरागत व्यवसाय ब जे चुनौति उत्पन्न होए हे ओकर दे निपटे ब ओमन ल सक्षम बनाए हमर सरकार ह कई प्रकार की योजना बनाए हे ताकि युवा मन ल ऋण मिल सके, रीपा आदि के माध्यम ले एमन ल जगह मिल पाए। रजक कल्याण बोर्ड के गठन घलो ए उद्देश्य ले करे गय हे ताकि रजक समाज के युवा ल उद्यम ब मदद दीए जा सके।
मुख्यमंत्री ह ए अवसर म स्वच्छता के संत कहे जाए वाले संत श्री गाडगे जी ल घलो नमन करिस। ओ ह कहिस कि स्वच्छता हमर जीवन के अनिवार्य अंग हे। ए मौका म मुख्यमंत्री ह सर्व समाज के सामुदायिक भवन ब 25 लाख रुपिया के घोषणा घलो करिस। अउ संगे म ओ ह गोडगिरी म सहकारी बैंक के घोषणा तको करिस। हसदा म स्थित खूबचंद बघेल स्कूल ल स्वामी आत्मानंद स्कूल के रूप म अपग्रेड करे के घोषणा करिस। मुख्यमंत्री ह स अवसर म संत गाडगे के उपर आधारित पुस्तक के विमोचन तको करिस।
ए मौका म मुख्यमंत्री के पोट्रेट तको मितान क्लब ह भेंट करिस। ए पोट्रेट पैरा ले बनाय गय हे। एकर लंबाई-चौड़ाई 20 बाई 15 फीट के हे। एकर ले पहिली छत्तीसगढ़ महतारी कमके पैरा ले बने पोट्रेट बनाय गय रहिस हे जे ह ढाई बाई चार फीट के रहिस हे। मुख्यमंत्री के ए पोट्रेट ल गोल्डन बुक आफ वर्ल्ड रिकार्ड ह अपन रिकार्ड म दर्ज तको करे हे।