महासमुंद, 04 सितम्बर 2021।। पुलिस वाले उपर आरोप लगे हे के उमन एक मनखे ल दारू तस्करी करत पकडि़न फेर ओखर भाई ल थाना बलाके कुचरिन अऊ 10 हजार रूपिया मांगिन, सौदा 7 हजार रूपिया म जय होईस त सात हजार लेके वोला छोड़ दीन। एती पुलिस वाले मन के ये हरकत ल एक झन मनखे ह मुबाईल म रिकार्ड कर लीस अऊ सोशल मीडिया म वायरल कर दीस। जब बड़े पुलिस अधिकारी मन ल पता चलिस त जांच के बाद दू पुलिस ल सरूपेंड करे गीस, जेमां एक झि एक फूल वाले इंस्पेक्टर अऊ दूसर कांस्टेबल ये।
जानबा हे के महासमुंद जिला के सरायपाली थाना के पुलिस ह 30 अगस्त के एक मनखे ल अवैध दारू बेंचें के मामला म गिरफ्तार करे रहिस। बाद म पुलिस ह ओखर बड़े भाई ल साइन करे बर थाना बलईस, आरोपी के भाई ललित मटारी थाना पहुंचिस त पुलिस वाले मन ओकरो कुरथा मन ल उतरवा के जबरदस्त सोंटई कर के उहू ल ओलिहाए के धमकी दीस। एक फूल वाले इंस्पेक्टर ह दुनों भाइ ल छोड़े बर दस हजार रूपिया के मांग करे रहिस।
घूस के पईसा गिनत वीडियो होइस वायरल: पुलिस वाले सस्पेंड
