बिज़ली बिल के चिंता ले मिलीस मुक्ति- सोमनाथ राकेश

पीएम सूर्यघर मुफ्त बिजली योजना ले हितग्राही सोमनाथ राकेश ल मिलिस अनुदान
सारंगढ़-बिलाईगढ़, सोलर प्लांट लगाय के पहिली हर महीना भारी-भरकम बिजली बिल आत रहिस जेखर से मोर चिंता बाढ़ जाथे, फेर अब समय बदल गे हे। अगस्त महिना म मोर प्लांट ह 330 यूनिट बिजली के उत्पादन करिस, जबकि घर म खपत लगभग 150 यूनिट हे। यानी करीब 180 यूनिट बिजली के बचत होइस। हितग्राही सोमनाथ राकेश अब ‘शून्य बिल’ के दिशा म कदम बढ़ावत हे। ओ ह कहत हे के सूरज के रोशनी अब हमार बर केवल अंजोर भर नो हे, बल्कि बचत अऊ आत्मनिर्भरता के चिनहारी बन गए हे। पहिली हर महीना भारी बिल के डर लेगे रहय, अब हर महीना राहत मिलत हे।
सारंगढ़-बिलाईगढ़ जिला के नगर पंचायत बिलाईगढ़ के रहवइया सोमनाथ राकेश आज ऊर्जा आत्मनिर्भरता के मिसाल बन गे हे। प्रधानमंत्री सूर्यघर मुफ्त बिजली योजना ह वोखर जीवन ल नवा दिशा देहे हे। वोखर घर के छत म स्थापित 3 किलोवॉट क्षमता के रूफटॉप सोलर प्लांट वोखर बिजली खरचा ल कम करत हे, संगेच ये योजना आम परिवार मन खातिर घलोक एक गेम-चेंजर साबित होवत हे।