सारंगढ़-बिलाईगढ़ : चिरायु योजना : कोमल सोनवानी के हृदय के होइस निःशुल्क आपरेशन

चिरायु योजना ह पीड़ित परिवार मन न रक्षाकवच अउ वरदान बनत हे
सारंगढ़-बिलाईगढ़,  कलेक्टर डॉ फरिहा आलम सिद्दीकी के निर्देशन म सारंगढ़ चिरायु टीम ह शासकीय माध्यमिक स्कूल दानसरा के छात्रा कोमल सोनवानी के हृदय के रायपुर म चिरायु योजना ले सफल आपरेशन निःशुल्क कर के ओकर स्वास्थ्य अउ भविष्य ल सुरक्षित करिस हे। चिरायु टीम सारंगढ़ कती ले स्कूल स्वास्थ्य परीक्षण के दौरान शासकीय कन्या माध्यमिक शाला दानसरा म पढोइया कक्षा 6वीं के छात्रा कोमल सोनवानी ह गंभीर हृदय रोग ले ग्रसित पाए गए रहिस हे, ओला उच्च जांच अउ इलाज़ ब रायपुर रिफर करे गईस। चिरायु टीम अउ शिक्षक कती ले छात्रा के माता पिता ल चिरायु योजना के बालिका कोमल के निःशुल्क इलाज़ के जानकारी दीए अउ प्रेरित करे गईस।
चिरायु योजना ले छत्तीसगढ़ के लइका मन के बीमारी के सरलग इलाज कराए जाथ हे। चिरायु टीम अईसे पीड़ित परिवार ब रक्षा कवच साबित होवत हे। निम्न आय वर्ग के परिवार मन ब अइसने बीमारी के इलाज करा पाए ह संभव नई हो पाए। ए स्थिति म चिरायु योजना वरदान साबित होवत हे। चिरायु कार्यक्रम के ए सफल क्रियान्वयन म जिला के मुख्य चिकित्सा अउ स्वास्थ्य अधिकारी डॉ एफ आर निराला, जिला कार्यक्रम प्रबंधक श्री एन एल इजारदार, बीएमओ डॉ आरएल सिदार, चिरायु नोडल डॉ पी डी खरे, चिरायु टीम के डॉ बद्री विशाल पंकज, डॉ बबीता पटेल, डॉ प्रभा सारथी, डॉ नम्रता मिंज, फार्मासिस्ट हिंगलेश्वरी कुर्रे, योगेश्वर चन्द्रम, एएनएम मोंगरा कंवर, दानसरा सीएचओ नीमा, आरएचओ विकास के योगदान रहिस हे।