आईडी पासवर्ड के तर्ज म काम करे कमके व्यापमं के पहल
सारंगढ़ बिलाईगढ़, आईडी पासवर्ड के तर्ज म काम करे के व्यापमं कती ले पहल करे जाथ बे। छत्तीसगढ़ व्यावसायिक परीक्षा मंडल कती ले आगामी कई प्रकार के प्रवेश परीक्षा अउ भर्ती परीक्षा के आयोजन करे जाही। आम तौर म एक ही आवेदक कई ठ परीक्षा ब आवेदन करथे। प्रत्येक आवेदन म अपन व्यक्तिगत जानकारी बार बार भरे ल लागथे ।अभ्यर्थि मन के सुविधा ब राज्य शासन के निर्देश म व्यापमं ह आवेदक के प्रोफाइल पंजीकरण के व्यवस्था अपन पोर्टल म करे हे। एक बार व्यापमं के पोर्टल म प्रोफाइल रजिस्ट्रेशन /पंजीयन करे के बाद परीक्षा विशेष ब आवेदन करे ब आवेदक ल घेरी बेरी व्यक्तिगत जानकारी नई भरे ल लगय। सब जानकारी ह आवेदन भरे के समय ओमन के प्रोफाइल पंजीयन म स्वमेव आ जाही। जेकर से त्रुटि होए के संभावना कम होही।
अभ्यर्थी मन ए बात के ध्यान रखें कि व्यापमं कती ले आयोजित करे जाए वाले परीक्षा ब आवेदन भरे के पहिली व्यापमं के पोर्टल म प्रोफाइल पंजीकरण करे ह अनिवार्य हे। प्रोफाइल पंजीकरण सिरिफ एक घ करे ब लगही अउ ओइच प्रोफाइल म लॉग इन कर के अभ्यर्थी व्यापमं कती ले आयोजित परीक्षा के आवेदन भर सकही। व्यापमं ह अभ्यर्थि मन ल ए विशेष हिदायत दीए हे कि प्रोफाइल बनाए के बेरा पूर्ण सावधानी बरतें काबर के प्रोफाइल के एक बार उपयोग करे के बाद म एमा सुधार सिरिफ व्यापमं म उपस्थित होए के बाद ही करे जा सकही जेकर ब शुल्क घलो देना होही। उल्लेखनीय हे कि मुख्यमंत्री श्री भूपेश बघेल सरकार ह अभ्यर्थि मन ल व्यापमं के फॉर्म भरे के निशुल्क सुविधा दीए हे। व्यापम के वेबसाइट पोर्टल हे।
https://vyapam.cgstate.gov.in/
