कोरिया, 04 मार्च 2021। कोरिया जिला के विकासखण्ड भरतपुर के कोरिया महिला संकुल संगठन के अंतर्गत जागृती महिला स्व-सहायता समूह के महिला मन 26 फरवरी ले नोएडा हाट सेक्टर-33 ए म आयोजित सरस मेला म अपन हाथ ले तियार करे गए मसाला मन के महिला मन बगरावत हें। सरस मेला म कोरिया जिला के उत्पाद मन ल खरीदने बर मनखे मन म अड़बड़ रूचि देखे जात हे। जानबा हे के भारत सरकार के ग्रामीण विकास मंत्रालय कोति ले आयोजित सरस मेला 26 फरवरी ले 14 मार्च तक संचालित करे जात हे।
जागृती महिला स्व-सहायता समूह के महिला मन ह कोरिया मसाला अउ रेडी टू इट जइसे उत्पाद तियार करे हें। ए उत्पाद मन के संग समूह ह सरस मेला म भाग लेहे हें। स्व-सहायता समूह के अध्यक्ष श्रीमती माया सांडे अउ सचिव सीता सरस मेला म उत्पाद मन के विक्रय अऊ मेला म होए नवा अनुभव ल साझा करत बताइन हें के मसाला अउर रेडी टू इट जइसे उत्पाद मन के अकतहा ये मेला म समूह कोति ले आगर्निक हल्दी पाउडर, जीरा फूल चावल, अचार, आटा, पापड़, नमकीन, पौष्टिक लड्डू अउ हेण्ड क्राफ्ट सामान आदि के स्टॉल घलोक लगाए गए हे। जेमां अभी तक 30 हजार रूपिया तक के उत्पाद मन के विक्रय हो गए हे। हमला भरोसा हे के करीबन 1 लाख रूपिया तक के आय होही। सरस मेला म जिला के प्रतिनिधित्व करे के ये सुग्घर अवसर बर उमन जिला प्रशासन के प्रति आभार घलोक व्यक्त करिन।
कोरिया के मसाला मन के महमहई पहुंचिस सरस मेला म, स्व सहायता समूह के महिला मन ह अब तक 30 हजार रूपिया ले जादा के बेचिन उत्पाद
