सरस्वती सायकिल योजना अंतर्गत 80 छात्रा मन ल बांटे गीस सइकिल

शिक्षा विकास के आधार, जीवन म लक्ष्य प्राप्त करे बर मेहनत जरूरी हे :- राजस्व मंत्री श्री टंक राम वर्मा
रायपुर, राजस्व मंत्री श्री टंक राम वर्मा काली रायपुर जिला के तिल्दा विकासखंड के शासकीय उच्चतर माध्यमिक शाला टोहड़ा म आयोजित विकासखंड स्तरीय शाला प्रवेशोत्सव म सामिल होइन। ए अवसर म नवप्रवेशी छात्र-छात्रा मन ल तिलक लगाके अउ मुंह मीठा करा के अभिनन्दन करिन। नवप्रवेशी छात्र-छात्रा मन ल पाठ्य सामाग्री के वितरण करे गीस। एखर संगेच सरस्वती सायकल योजना अंतर्गत 80 छात्रा मन ल सायकिल बांटे गीस।
राजस्व मंत्री श्री वर्मा ह सबो नवप्रवेशी लइका मन ल शुभकामना देवत कहिन के शिक्षा हमार विकास के आधार हे। जीवन के सबो क्षेत्र मे लक्ष्य प्राप्त करे बर मेहनत जरूरी हे। विद्यार्थी अपन पूरा क्षमता के संग अध्ययन करके अपन भविष्य ल गढ़ सकत हे। वर्तमान  सोशल मीडिया के दौर म पढ़ईया लईका मन ल  एखर दुष्प्रभाव ले बचना हे। केवल पढ़ाई बर ही एकर उपयोग करव। विद्यार्थी  निष्ठा अऊ लगन के संग मेहनत करव। 
ए बेरा म जिला पंचायत अध्यक्ष  श्री नवीन अग्रवाल, जिला पंचायत के सदस्यगण संग स्थानीय जनप्रतिनिधि, अधिकारी-कर्मचारी, प्राचार्य श्रीमती रमुला एकता, वरिष्ठ व्याख्याता श्री दिनेश आडिल अउ बड़ संख्या म स्कूली विद्यार्थी उपस्थित रहिन।