रायपुर, मुख्यमंत्री श्री भूपेश बघेल ह 31 अकटूबर के दिन देश के पहिली उप प्रधानमंत्री अऊ गृहमंत्री स्वर्गीय सरदार वल्लभ भाई पटेल के जयंती म उंखर पुण्य स्मरण करत ओ मन ल नमन करे हें।
मुख्यमंत्री ह सरदार वल्लभ भाई पटेल ल श्रद्धासुमन अर्पित करत कहिन हे कि उमन स्वतंत्रता प्राप्ति के बाद 562 देशी रियासत मन के भारतीय संघ म विलय करके देश के एकीकरण अऊ अखण्ड भारत के निर्माण म अविस्मरणीय योगदान दीन। ऊंखर ये योगदान ल कभी नइ भुलाए जा सकय। देश के स्वतंत्रता संग्राम म उंखर अग्रणी भूमिका रहिस। उमन गुजरात के खेड़ा म किसान मन के आंदोलन अऊ साल 1928 म बारडोली सत्याग्रह के सफल नेतृत्व करिन। अंग्रेज मन ल विवश होके भयंकर अकाल के चपेट म आये खेड़ा के किसान मन ल कर म राहत देना परिस अऊ बारडोली म लगान म करे गए 30 प्रतिशत बढ़ोतरी ल घटाके 6 प्रतिशत करना परिस। गृहमंत्री के रुप म उमन देश के बड़ जरूरी सेवा करिन।
