रायपुर, मुख्यमंत्री श्री भूपेश बघेल ह आज अपन निवास कार्यालय म देश के पहिली उप प्रधानमंत्री भारतरत्न सरदार वल्लभ भाई पटेल के पुण्यतिथि म ऊंखर फोटू उपर श्रद्धा सुमन अर्पित करके ओ मन ल नमन करिन।
श्री बघेल ह कहिन कि भारतीय स्वतंत्रता संग्राम म सरदार पटेल ह अगुवा के भूमिका निभाए रहिन। स्वतंत्रता बर करे गए संघर्ष के समय उमन कई आंदोलन मन के कुशल नेतृत्व करिन। स्वतंत्रता पाए के बाद उमन देशी रियासत मन के भारतीय संघ म विलय करके देश के एकीकरण म अविस्मरणीय योगदान दीन। अपन फ़ौलादी इरादा के सेती ओ मन ल लौह पुरुष के नाम ले जाने जाथे।
मुख्यमंत्री श्री भूपेश बघेल ह सरदार वल्लभ भाई पटेल ल उंखर पुण्यतिथि म करिन नमन
