मुख्यमंत्री ह सरदार वल्लभ भाई पटेल के पुण्यतिथि म ओ मन ल करिन नमन

रायपुर, 14 दिसंबर 2023। मुख्यमंत्री श्री विष्णुदेव साय ह देश के पहिली उप प्रधानमंत्री अऊ गृहमंत्री भारतरत्न सरदार वल्लभ भाई पटेल के 15 दिसंबर के पुण्यतिथि म ओ मन ल नमन करे हें। श्री साय ह सरदार पटेल के पुण्य स्मरण करत कहिन हे कि सरदार पटेल अपन फ़ौलादी संकल्प के सेती लौह पुरुष के नाम ले जाने जाथें। उमन देशी रियासत मन के भारतीय संघ म विलय करके देश के एकीकरण म महत्वपूर्ण भूमिका निभाईन। स्वतंत्रता बर करे गए संघर्ष के समय उमन कई आंदोलन मन के कुशल नेतृत्व करिन। श्री साय ह कहिन कि स्वतंत्रता प्राप्ति के बाद घलोक सरदार पटेल भारत ल एक सूत्र म पिरोए के दिशा म काम करत रहिन। भारत देश के निर्माण म सरदार पटेल के भूमिका हमेशा अविस्मरणीय रइही।