रायपुर, मुख्यमंत्री श्री भूपेश बघेल ह आज सरगुजा संभाग के मुख्यालय अम्बिकापुर म पूरा फेर से बनाए गए सरगुजा क्षेत्र आदिवासी विकास प्राधिकरण के पहली बैठक म सरगुजा क्षेत्र के युवा मन ल स्थानीय स्तर म रोजगार सुविधा देहे बर तीसर अउ चतुर्थ श्रेणी के पद मन म भर्ती करे बर सरगुजा कनिष्ठ चयन बोर्ड गठित करे के निर्णय लीन। बैठक म दू करोड़ बहत्तर लाख रुपिया के लागत के 47 ठन निर्माण कार्य मन के स्वीकृति दे गीस। मुख्यमंत्री ह सहकारी बैंक ले किसान मन ल कृषि ऋण लेहे म होवत असुविधा के शिकायत म जिला सहकारी केन्द्रीय बैंक अम्बिकापुर के सी.ई.ओ. श्री श्रीकांत चंन्द्राकर अऊ चिरमिरी के मैनेजर ल तुरंत निलंबित करिस।
बैठक म स्वास्थ्य अउर कल्याण मंत्री श्री टी.एस. सिंहदेव, अनुसूचित जनजाति अउ स्कूल शिक्षा मंत्री डॉ. प्रेमसाय सिंह टेकाम, सरगुजा क्षेत्र आदिवासी विकास प्राधिकरण के उपाध्यक्ष द्वय बलरामपुर के विधायक श्री वृहस्पत सिंह, भरतपुर सोनहत के विधायक श्री गुलाब कमरो अउ पत्थलगांव के विधायक श्री रामपुकार सिंह, सीतापुर के विधायक श्री अमरजीत भगत, सामरी के विधायक श्री चिंतामणी महराज, लुण्ड्रा के विधायक डॉ. प्रीतम राम, भटगांव के विधायक श्री पारसनाथ राजवाडे़, बैकुण्ठपुर के विधायक श्रीमती अम्बिका सिंहदेव, कुनकुरी के विधायक श्री यू.डी. मिंज अऊ जशपुर के विधायक श्री विनय कुमार भगत ह घलोक अपन क्षेत्र के समास्या मन ले मुख्यमंत्री ल अवगत कराइन। ए अवसर म ए प्राधिकरण के सदस्य सचिव अऊ सरगुजा संभाग के कमिश्नर श्री ए.के. टोप्पो ह सरगुजा प्राधिकरण के पाछू बैठक के निर्णय के परिपालन प्रस्तुत करिस।
बैठक म मुख्य सचिव श्री सुनील कुमार कुजुर, पंचायत अउर ग्रामीण विकास विभाग के अपर मुख्य सचिव श्री आर.पी. मण्डल अउर मुख्यमंत्री के सहलाकार श्री राजेश तिवारी ,कई ठन विभाग मन के सचिव, सरगुजा संभाग के सबो जिला मन के कलेक्टर अऊ जिला पंचायत अध्यक्ष अउर सांसद प्रतिनिधि अऊ कई ठन विभाग मन के अधिकारी तको उपस्थित रहिन।
