सरकार आइस दुवार -बोहाइस विकास के बयार

मुख्यमंत्री ह जशपुर विधानसभा ल 120 करोड़ 50 लाख रूपिया के 152 ठिन विकास के दीस सौगात
रइपुर, 27 जून 2022
मुख्यमंत्री दाऊ भूपेश बघेल ह आज जशपुर म 120 करोड़ 50 लाख 55 हजार रुपिया के कुल 152 ठिन बूता मन के लोकार्पण अउ भूमिपूजन करीस। जेकर अंतर्गत 60 करोड़ 61 लाख 22 हजार रूपिया के 89 ठिन बूता मन के लोकार्पण अउ 59 करोड़ 89 लाख 33 हजार रूपिया के 63 ठिन बूता मन के भूमिपूजन संघरे हावय। उन मन ये बेरा म सबले पहिली छत्तीसगढ़ महतारी के विधिवत रूप म पूजा अर्चना करत प्रतिमा ऊपर माला चढ़ाइस ।
ये बेरा म मुख्यमंत्री ह जशपुर विकासखंड के स्वामी आत्मानंद उत्कृष्ट अंग्रेजी व हिंदी मीडियम स्कूल अउ राजीव युवा मितान क्लब के कॉफीटेबल बुक अउ ब्रोसर के विमोचन तको करीन। ये बेरा म विधायक श्री विनय कुमार भगत अउ श्री यू.डी. मिंज तकरे संघरे रिहिन।