रइपुर, 25 जून 2022
रइपुर भेंट-मुलाकात: मुख्यमंत्री दाऊ भूपेश बघेल ह तपकरा म स्वामी आत्मानंद इंग्लिश मीडियम स्कूल अऊ नायब तहसीलदार लिंक कोर्ट के घोषणा करीन।
फरसाबहार म 67 जगा देवगुड़ी बर दू करोड़ रूपिया तको स्वीकृत करीन।
कोल्हेजहारिया म प्री एवं पोस्ट मैट्रिक छात्रावास अऊ फरसाबहार म अब सहकारी बैंक के शाखा तको प्रारंभ करे के घोषणा करीन।
मुख्यमंत्री श्री भूपेश बघेल ह जशपुर जिला म फरसबहार विकासखण्ड म भेंट-मुलाकात कार्यक्रम के शुरूआत पमशाला म ईब नदी के तट म बसे राधा कृष्ण मंदिर कंवर समाज के ऐतिहासिक मंदिर हरय। इहां मकर संक्रांति के दिन कंवर समाज के वार्षिक सम्मेलन आयोजित करे जाथे। ये बेरा म सामूहिक विवाह अउ मुख्यमंत्री कन्या विवाह योजना के अंतर्गत विवाह तको संपन्न कराए जाथे।
मुख्यमंत्री ह ईब नदी के तट म आयोजित भेंट-मुलाकात कार्यक्रम म ग्राम कोल्हेजहारिया म कोल्हेजहारिया म प्री एवं पोस्ट मैट्रिक छात्रावास अऊ पुलिस चौकी के स्थापना, तपकरा म नायब तहसीलदार कोर्ट के घोषणा करीन। उन मन फरसाबहार के हाथी प्रभावित क्षेत्र म हाई मास्ट लाइट लगाए के तको निर्देश दिन। तपकरा म स्वामी आत्मानंद स्कूल खोले, फरसाबहार म सहकारी बैंक प्रारंभ करे, पमशाला के हाई स्कूल ल हायर सेकेंडरी म उन्नयन, फरसाबहार म 67 जगा म देवगुड़ी के सौंदर्यीकरण खातिर दू करोड़ रूपिया स्वीकृति के घोषणा करीस। पमशाला पहंुचे म उहां मुख्यमंत्री के स्वागत पगड़ी अऊ साफा पहिनाके करे गिस।
मुख्यमंत्री ने पमशाला म छत्तीसगढ़ महतारी के पूजा-अर्चना करके भेंट-मुलाकात कार्यक्रम म किसान अउ ग्रामीण मन ले शासकीय योजना मन के मैदानी स्थिति के जानकारी लीस। मुख्यमंत्री ह ग्रामीण मन ले हाट बाजार क्लिनिक योजना के लाभ उठाए के अपील करीन।
उन कहिन कि सरकार कोति ले लघुवनोपज के खरीदी अउ वेल्यू एडिशन ल प्रोत्साहन देहे जावत हे। एकर लाभ तको वनवासी मन ल मिलत हावय। सबले पहिली जशपुर ले ही महुआ से सेनेटाईजर बनाय गिस। कार्यक्रम म सितरेंगा के रजनी कुजूर ह बताइस कि उन मन राशन कार्ड बर आवेदन करे हावय। मुख्यमंत्री ह लउहे राशनकार्ड बनाए के निर्देश अधिकारी मन दीन। साजबहार के दीपक ह वन अधिकार पट्टा के मांग करीस। मुख्यमंत्री ह येमा आवश्यक कार्यवाही करे के निर्देश दीन।