सरोना गौठान के महिला मन के सशक्तीकरण रद्दा होईस परखर

उत्तर बस्तर कांकेर, नरहरपुर विकासखण्ड अंतर्गत ग्राम सरोना म ‘‘राष्ट्रीय ग्रामीण आजीविका मिशन’’ बिहान के तहत् आजीविका गतिविधि चालू करे गए हे। सरोना तहसील ले 25 किलोमीटर दूरिहा सरोना क्लस्टर संगठन हे, जेमां ग्राम सरोना म गौमाता स्व-सहायता समूह ह गांव के गौठान म सब्जी के खेती कर के स्थानीय बाजार अऊ आसपास के गांव मन म बेंचत हे। गौमाता स्व सहायता समूह के 10 सदस्य मन सब्जी उत्पादन के काम करत हें। सबो सदस्य मन काम बांट के एक संग बोवई ले लेके बेंचई तक के पूरा लेखा-जोखा करके आजीविका के काम करत हें। अभी हाल म सब्जी उत्पादन जइसे बैगन अउ पत्ता गोभी के उत्पादन करे जात हे।
प्रदेश के सुराजी ग्राम योजना नरवा, घुरवा अऊ बाड़ी के अंतर्गत ग्रामीण विकास बर गौमाता स्व-सहायता समूह ग्राम पंचायत सरोना ह सरलग अऊ सार्थक उदीम करत हे। बाड़ी अंतर्गत ग्राम पंचायत स्तर म पशु मन के उचित व्यवस्था अऊ कई ठन आर्थिक गतिविधि मन के संचालन ले आमदनी बर बड़ संख्या म केचुआ खाद टंकी के निर्माण करे गए हे। गौठान म गोबर ले वर्मी खाद, सब्जी-भाजी के खेती अउ बकरी पालन के काम करे जात हे। जेमां मिर्ची, भिन्डी, गंवारफल्ली, टमाटर, लौकी, खीरा, ककड़ी, करेला, कद्दू अउर बरबट्टी आदि के उत्पादन करे जात हे। ग्राम पंचायत के सहयोग ले गौठान म सब्जी के खेती दिसम्बर महिना ले चालू करे गए हे। स्व-सहायता समूह के महिला मन के आर्थिक स्थिति मजबूत करे बर प्रोत्साहन देहे जात हे। समूह मन अभी हाल म 1.50 ले 02 लाख रूपिया खड़ी फसल ले अकतहा कमई होवईया हे।