सचिव भारत सरकार अउ कार्यपालक निदेशक टाइफेड ह पनचक्की वन धन केन्द्र अउ सारूडीह चाय बागान के करिन निरीक्षण

जशपुरनगर, 15 फरवरी 2021। सचिव कार्मिक अउ प्रशिक्षण विभाग भारत सरकार श्री दीपक खांडेकर अउ कार्यपालक निदेशक टाइफेड श्री अनुपम त्रिवेदी ह आज जशपुर के पनचक्की म स्थित वन धन केंद्र के निरीक्षण करत उहां बनाए जात शुद्ध देशी मउहा सेनेटाइजर के निर्माण प्रक्रिया के बारे म पूरा जानकारी लीन। कलेक्टर श्री महादेव कावरे ह ओ मन ल जानकारी देवत बताइन के केन्द्र म स्वसहायता समूह के महिला मन मउहा सेनेटाइजर, चवनप्राश, दोना पत्तल, मउहा लड्डू संग आन गतिविधि मन के संचालन करके आत्मनिर्भर बनत हें। श्री खांडेकर ह महिला मन ल अइसनहे आगू घलोक मेहनत करत रहे बर प्रोत्साहित करिन। ये बेरा म उमन सारुडीह चाय बागान के निरीक्षण करके चाय प्रोसेसिंग के जानकारी लीन। ये बेरा म उप वन मण्डला धिकारी श्री एस.गुप्ता संग आन अधिकारीगण उपस्थित रहिन।