मुख्यमंत्री ह भारतरत्न डॉ. सर्वपल्ली राधाकृष्णन के पुन्यतिथि म करिस नमन

रायपुर, नेहा राठौर के खबर/ मुख्यमंत्री श्री भूपेश बघेल ह भारत के पूर्व राष्ट्रपति अउ शिक्षाविद, भारतरत्न डॉ. सर्वपल्ली राधाकृष्णन के 17 अपरेल के पुण्यतिथि म ओला नमन करिन। श्री बघेल ह कहिन हे कि डॉ. राधाकृष्णन जी सिक्छा ल अपन उद्देश्य माने। ओ ह एक आदर्श सिक्छक के रूप म अपन जीवन म सीक्छा के परति समरपन अउ बचनबद्ध रहिन हे। ओ ह समाज, धरम, दरसन के गहन अध्ययन करिन अउ कई ठ किताब तको लिखिन। डॉ. राधाकृष्णन के प्रतिभा कउसल ल देख के ओला संविधान निर्मात्री सभा के सदस्य बनाए गईस। मुख्यमंत्री ह कहिन कि डॉ. राधाकृष्णन अपन पाछू ज्ञान अउ सिक्छा के अनमोल धरोहर छोड़ गए हे। उंकर ज्ञानमूल्य ह युवा पीढ़ी ल सदेव प्रेरित करत रही।