रायपुर : नरवा, गरवा, घुरवा, बारी योजना ले सशक्त होवत नारी शक्ति

चंदखुरी के नागेश्वरी वर्मा ह बनईस एक अलग पहिचान
रायपुर, आरंग विकासखंड के ग्राम कठिया के नागेश्वरी वर्मा अब कोनो परिचय के मोहताज नई हे। श्रीमती वर्मा ह बतइस कि ओ ह एक लघु कृषक मजदूर परिवार से हे ओकर परिवार म पति अउ दू झन लईका हे। ओ ह बिहान योजना अंतर्गत पशु सखी के कार्य करत हे। ओ ल बिहान जिला इकाई रायपुर कती ले पशुपालन प्रबंधन ब 10 दिवसीय प्रशिक्षण दिए गय रहिस हे। ओ ह बताइस कि प्रशिक्षण के बाद काम म गुणात्मक सुधार आए हे अउ ओकर द्वारा गांव म बिहान ले जुड़े जम्मो पशपालक मन ल संगोष्ठी के द्वारा टीकाकरण, कृमिनाशक, बधियाकरण, पशु नश्ल सुधार की जानकारी संग ही शासन कती ले संचालित अऊ कई ठ योजना जईसे मनरेगा ले पशु शेडनिर्माण, पशुचिकित्सा विभाग ले प्राप्त होए वाले योजना आदि के जानकारी समूह ले जुडी दीदि मन ल दिए जाथ हे।
नागेश्वरी वर्मा ह बताइस कि ओकर प्रयास ले ग्राम म दो बकरी शेड ,तीन मुर्गी शेड , छः पशु शेड अउ छः वर्मी एवं नाडेप टांका के निर्माण करे गए हे। श्रीमती वर्मा जय मां शीतला स्व-सहायता समूह ले जुडे़ हे। ओ ह बतइस कि अपन समूह ले साल 2019 म बीस हजार रुपिया कमके ऋण ले के विपरीत परिस्थि म अपन स्वयं के एक छोट कन किराना व्यवसाय प्रारंभ करे रहिस हे। जेकर से ओ ह अपन पति ल रोजगार से जोडिस अउ साल भर ऋण के वापसी ब्याज समेत कर दीस। शासन के बाड़ी योजना ले प्रोत्साहित हो के अपन घर म बारी लगाए के काम घलो सुरू करे हे जेकर से ओला अतिरिक्त आमदनी प्राप्त होवत हे। ओ ह गोधन न्याय योजना ले गोबर बेच के तको आय अर्जित करे हे। गौठान म पशु मन ल टीकाकरण ब पशुपालन विभाग कती ले ट्रेविस किट अउ वित्तीय प्रोत्साहन राशि चार हजार आठ सौ रू. प्राप्त करे हे।
श्रीमती नागेश्वरी ह बतइस कि बिहान ले जुडे़ के बाद दृढसंकल्प लीस के ओ ह स्वावलम्बी बन के अपन परिवार के आर्थिक स्थिति ल सुधरही अउ अपन विकास के संग समूह परिवार के गरीब महिला मन ल घलो आर्थिक रूप ले मजबूत बनाए म योगदान देही । ओ ह राज्य शासन ल ध्न्यवाद ज्ञापित करत हुये कहिस कि राज्य सरकार कती ले महिला मन ल स्वावलंबी बनाए ब अनेक कल्याणकारी योजना संचालित करे जाथ हे अउ महिला मन ल आर्थिक सशक्तिकरण के मार्ग प्रशस्त करे जाथ हे।