रायपुर, 09 फरवरी 2020। मुख्यमंत्री श्री भूपेश बघेल आज राजधानी रायपुर के शहीद स्मारक म आयोजित सतनामी समाज के युवक-युवती परिचय सम्मेलन म सामिल होइन। मुख्यमंत्री ह ये बेरा म कहिन कि आज के व्यस्त जीवन शैली म विवाह के योग्य युवक-युवति मन के परिचय सम्मेलन के आयोजन समय के जरूरत हे। आज व्यस्तता के कारण मनखे सामाजिक गतिविधि मन ले कटत जात हे। अइसन म वर-वधू खोजे म अइसन आयोजन काफी सहायक हे। मुख्यमंत्री ह ये सम्मेलन के आयोजन बर आयोजन समिति के पदाधिकारी अऊ सदस्य मन ल बधाई अऊ शुभकामना दीन।
आज के व्यस्त जीवन शैली म युवक-युवती परिचय सम्मेलन समय के जरूरत : श्री भूपेश बघेल
