सातवां आर्थिक गणना बर जिला स्तरीय कार्यशाला संपन्न

नारायणपुर, जिला स्तरीय आर्थिक गणना बर जिला के जम्‍मो कॉमन सर्विस सेंटर (सीएससी) अउ व्हीएलई के प्रशिक्षण काल जिला पंचायत के सभाकक्ष म संपन्न होइस। ए अवसर म रायपुर ले आये एनएसएसओ के प्रतिनिधी श्री आर.एन. सोनी ह जानकारी देवत बताइस कि आगामी बेरा म सातवां आर्थिक गणना के काम सांख्यिकी विभाग अउ सीएससी के संग कराये जाना हे, जऊन कि पहिली पइत मोबाईल एप्लीकेशन के माध्यम ले करे जाही। ये काम प्रगणक अउ सुपरवायजर सीएससी के बीएलई के माध्यम ले घर-घर सर्वे ले होही। सर्वे के समय हर एक घर के सदस्य मन के ब्यौरा अउ आर्थिक क्रियाकलाप मन म लगे सबो छोटे, सूक्ष्म व दीर्घ उद्योग मन के पहिचान करके रिपोट शासन ल सौंपे जाही अउ शासन ओखर आधार म योजना मन के निर्माण करही। प्रशिक्षण म जिला के जिला सांख्यिकी अधिकारी श्री आई एक्का, सीएससी मैनेजन श्री सुखनंदन चंद्रवंशी संग जिला के कॉमन सर्विस सेंटर संचालक उपस्थित रहिन।