विधायक अऊ कलेक्टर ह श्रमदान करके बढ़ाईस हौसला
जशपुरनगर, जशपुर जिला के स्थापना के 21वां वर्षगांठ के मौका म आज 25 मई के भिनसरहा सती तालाब ल साफ-सुथरा करे बर जिला प्रशासन के आहवान म मनखे श्रमदान बर उमड़ परिन। शहर के कई ठन संगठन, समाजसेवी संस्था मन ले जुड़े मनखे अऊ नागरिक मन ह सती तालाब के साफ-सफाई बर श्रमदान करिन। कुनकुरी विधायक यू.डी.मिंज, नगरपालिका अध्यक्ष श्री हीरू राम निकुंज, कलेक्टर श्री निलेशकुमार महादेव क्षीरसागर, पुलिस अधीक्षक श्री शंकरलाल बघेल, जिला पंचायत सीईओ श्री राजेन्द्र कुमार कटारा, वनमण्डलाधिकारी श्री कृष्ण जाधव, सीआपीएफ कमाण्डेट के अगुवाई म जिला के अधिकारी मन अउ कर्मचारी मन ह घलोक सती तालाब ल साफ-सुथरा बनाए बर श्रमदान करिन। विधायक यू.डी.मिंज, कलेक्टर, एसपी अऊ आन वरिष्ठ अधिकारी मन ह खुद दू घंटा तक श्रमदान करे गीस अऊ ए काम म जुटे मनखे मन के हौसला बढ़ाइन।
