रायपुर, 2 अक्टूबर 2020। कृषि कानून के विरोध म शुक्रवार के प्रदेश के किसान मन ह सत्याग्रह कर विरोध जताय हे। राजधानी के गांधी चौक म किसान मन ह धरना दे हे। ये आंदोलन ल 25 ले जादा किसान संगठन ह अपन समर्थन दे हे।
किसान मन ह कहिन कि ये कानून ल सरकार ह वापस ले। कानून लागू होय ले किसान बर्बाद हो जाही। केन्द्र सरकार के ये कानून के फायदा सिरिफ उद्योगपति मन ल होही।
धरना म बइठे किसान मन ह कहिन कि ये आंदोलन ह प्रदेश म चरणबद्ध तरीका ले चलही। 2 अक्टूबर ले 27 अक्टूबर तक किसान ह आंदोलन करही। मोदी सरकार ल कानून ल वापस ले बर विवश करही।