Satyanarayan Baba Dham Kosmanara
रायपुर, 21 जुलाई 2024। मुख्यमंत्री श्री विष्णु देव साय आज रायगढ़ प्रवास के समय ग्राम कोसमनारा स्थित श्री श्री 108 श्री सत्यनारायण बाबा धाम दर्शन बर पहुंचिन। मुख्यमंत्री श्री विष्णु देव ह श्री श्री 108 श्री सत्यनारायण बाबा अऊ भगवान भोलेनाथ के पूजा अर्चना कर प्रदेशवासी मन के सुख, समृद्धि अऊ खुशहाली के कामना करिन। ए बेरा म म वित्त मंत्री श्री ओ.पी चौधरी घलोक उपस्थित रहिन।
कोसमनारा स्थित श्री श्री 108 श्री सत्यनारायण बाबा धाम आस्था के केंद्र के रूप म विख्यात हे। इहां बड़ संख्या म श्रद्धालु बाबा सत्यनारायण अऊ भगवान भोलेनाथ के दर्शन बर पहुंचथें। बाबा सत्यनारायण पूरा दिन भोलेनाथ के तपस्या अऊ ध्यान म लीन रहिथें अऊ आधा रात म केवल एक बार सामान्य अवस्था म आथे। ए बेरा म बाबा फल अऊ दूध ग्रहण करथें अउ आश्रम म मौजूद भक्त मन ले मिलथें अऊ उंखर समस्या सुनके ओखर समाधान इशारा म ही बता देथें। बाबा सन् 1998 ले तपस्या म लीन हे अऊ 2003 म उमन ल 108 के उपाधि मिलीस, तब ले बाबा धाम के प्रसिद्धि के संग श्रद्धालु मन के संख्या बाढ़े हे। ए बेरा म श्री गुरुपाल भल्ला, श्री महेश साहू, श्री विवेक रंजन सिन्हा, श्री ज्ञानू गौतम, श्री मनीष शर्मा, कलेक्टर श्री कार्तिकेया गोयल, सीईओ जिला पंचायत श्री जितेंद्र यादव उपस्थित रहिन।
गरजत बादर, तेज धूप अऊ कड़कड़ात ठंड के बीच तपस्या म लीन रहिथें श्री सत्यनारायण बाबा
रायगढ़ जिला मुख्यालय ले लगभग 7 किलोमीटर दूर स्थित ग्राम कोसमनारा म श्री श्री 108 श्री सत्यनारायण बाबा वर्षा, ग्रीष्म अउ ठंड तीनों मौसम म खुले जगह म ही लगातार भगवान भोलेनाथ के तपस्या म लीन हें। स्थानीय मनखे मन बताथें के सत्यनारायण बाबा लगभग 25 साल ले जादा समय ले खुला जगा म विराजमान होके तपस्या करत हें। मनखे मन ह बताइन के बाबा जेन जगा म तपस्या करत हे, पहिली वो एक बंजर जगा रहिस। ए बंजर जमीन म बाबा ह कुछ पथरा ल सकेल के शिवलिंग के रूप देके अपन जीभ काटके समर्पित कर दे रहिन अऊ ओ समय ले लगातार तपस्या म लीन हें।
