श्री श्री 108 श्री सत्यनारायण बाबा धाम कोसमनारा म मुख्यमंत्री श्री विष्णु देव साय करिन प्रार्थना

रायगढ़/ गुरु पूर्णिमा के पावन अवसर म मुख्यमंत्री श्री विष्णु देव साय ह रायगढ़ जिला के ग्राम कोसमनारा स्थित श्री श्री 108 श्री सत्यनारायण बाबा धाम पहुंचके भगवान भोलेनाथ के विधिवत पूजा-अर्चना करके प्रदेशवासी मन के सुख, समृद्धि अऊ खुशहाल जीवन बर प्रार्थना करिन।
मुख्यमंत्री ह कहिन के गुरू पूर्णिमा के दिन श्रद्धा, आस्था अऊ मार्गदर्शन के प्रति कृतज्ञता प्रकट करे के अवसर हे। कोसमनारा स्थित ये धाम मनखे मन के आस्था के केंद्र हे अऊ इहां के आध्यात्मिक ऊर्जा आत्मबल प्रदान करथे। उमन कहिन के प्रदेश सरकार जनकल्याण के मार्ग म गुरुजन मन के आशीर्वाद अऊ जनआशीर्वाद के संग सरलग आगू बढ़त हे।
ए बेरा म मुख्यमंत्री के संग वित्त मंत्री श्री ओपी चौधरी, रायगढ़ सांसद श्री राधेश्याम राठिया, राज्यसभा सांसद श्री देवेंद्र प्रताप सिंह, विधायक श्री पुरंदर मिश्रा अऊ महापौर श्री जीवर्धन चौहान घलोक उपस्थित रहिन।