- योजना मन के क्रियान्वयन म छत्तीसगढ़ के एक अऊ कीर्तिमान, आन राज्य के तुलना म छत्तीसगढ़ म जादा संख्या म सोलर पम्प के स्थापना
- खेत मन के संगेच योजना के तहत गौठान, चारागाह अऊ गौशाला मन म घलोक स्थापित करे जात हे सोलर पम्प
- अब तक 1.20 लाख हेक्टेयर म सिंचाई सुविधा के विस्तार
रायपुर, छत्तीसगढ़ म सौर सुजला योजना के अंतर्गत अब तक एक लाख ले जादा किसान मन के खेत मन म सिंचाई बर पानी के व्यवस्था होए हे। एमां नक्सल प्रभावित अऊ आदिवासी क्षेत्र मन के हजारों किसान घलोक सामिल हे। मुख्यमंत्री श्री भूपेश बघेल ह गणतंत्र दिवस म जगदलपुर म योजना के एक लाखवां हितग्राही सुरेन्द्र नाग ल स्मृति चिन्ह प्रदान करके सम्मानित करिन। क्रेडा (CREDA – छत्तीसगढ़ अक्षय ऊर्जा विकास अभिकरण) कोति ले सौर सुजला योजना के तहत बस्तर जिला के किसान नाग के खेती के जमीन म एक लाखवां सोलर पंप स्थापित करे हे। मुख्यमंत्री ह ओ ल सोलर पंप के कट-आउट प्रदान करके योजना के सफलता ल रेखांकित करिन।
