फसल उत्पादन बढ़ाये के संग किसान के बाढ़त हे आमदनी
राज्य सरकार कती ले किसान मन ल सिंचाई के सुविधा उपलब्ध कराए के उद्देश्य ले चलाए जाथ सौर-सुजला योजना सार्थक सिद्ध होवत हे। किसान मन ल सिंचाई सुविधा मिले के संग फसल के उत्पादन घलो बाढ़त हे अउ संग म किसान मन के आमदनी घलो बाढ़त हे। किसान मन ल सशक्त बनाए म सौर सुजला योजना वरदान साबित होवत हे।
जांजगीर-चांपा जिला म किसान मन ल सौर सुजला योजना के लाभ उपलब्ध करात हुए ओमन के खेत मन म सिंचाई व्यवस्था पंपों ल स्थापित करे जाथ हे अउ एकर संग म ही संबंधित अधिकारि द्वारा किसान मन ल जानकारी देके सोलर सिंचाई पम्प ले सिंचाई करे के विधि बताए जाथ हे। सोलर पंप स्थापित होए ले सब्जी समेत अन्य फसल के लाभ किसान लेवत हे , जेकर से एमन के आमदनी के स्त्रोत म वृद्धि होवत हे। ए योजना के तहत राज्य सरकार किसान मन ल रियायती दर म सिंचाई पंप प्रदान कर के कृषि अउ छत्तीसगढ़ म ग्रामीण क्षेत्र ल मजबूत बनात हे। योजना के संचालन छत्तीसगढ़ राज्य अक्षय ऊर्जा विकास अभिकरण (क्रेडा) द्वारा करे जाथ हे।
क्रेडा ले प्राप्त जानकारी के अनुसार सौर सुजला योजना के तहत किसान मन ल 3 हार्स पावर के सोलर पंप पात्रतानुसार क्रमशः अ.जा., अ.ज.जा. वर्ग के हितग्राही ल 7 हजार रुपिया के अंशदान, अ.पि.व. के हितग्राही ल 12 हजार रुपिया अंशदान अउ सामान्य वर्ग के हितग्राही ल 18 हजार रूपिया के अंशदान देहे ल होथे। इ प्रकार 05 हॉर्स पावर के सोलर पंप ब अ.जा., अ.ज.जा. वर्ग के हितग्राही ल 10 हजार रुपिया, अ.पि.व. के हितग्राही ल 15 हजार रुपिया अउ सामान्य वर्ग के हितग्राही ल 20 हजार रुपिया अंशदान देहे ल होथे। शेष राशि शासकीय अनुदान के रूप म सरकार ह वहन करथे।
