गरियाबंद, क्रेडा कोति ले संचालित सौर सुजला योजना के तहत विद्युतविहिन अऊ दूरस्थ गांव मन के किसान मन ल कृषि काम बर 3 एच.पी. अऊ 5 एच.पी. सबमर्सिबल/सरफेस सोलर पंप मात्र 10 हजार ले 25 हजार रूपिया के कृषक अंशदान म 95 प्रतिशत ले 98 प्रतिशत के अनुदान म ढाई लाख ले साढ़े तीन लाख रूपिया के लागत मूल्य के सोलर पंप स्थापित करे जात हे। पहिली किसान मन तीर सिंचाई के साधन उपलब्ध नइ होए के सेती बरसा उपर पूरा निर्भर रहना परत रहिस, बारिश नइ होए या अल्प वर्षा के स्थिति म किसान मन के फसल बर्बाद हो जात रहिस, जेखर से कि किसान मन ल आर्थिक नुकसान होत रहिस।
फेर अभी हाल म सौर सुजला योजना के तहत सोलर पंप स्थापित होए ले किसान मन ल बारिश उपर निर्भर नइ होना परत हे अऊ भरपूर मात्रा म फसल के पैदावार होत हे जेखर से कि किसान मन के आर्थिक स्थिति म सुधार होय हे। क्रेडा के सहायक अभियंता श्री इंदुभूषण साहू ह बताइस कि सौर सुजला योजना के तहत जिला गरियाबंद म पाछू 06 बछर म पास होए 7 हजार 876 सोलर पंप मन म ले जम्मो स्वीकृत सोलर पंप के स्थापना के काम सफलतापूर्वक पूरा होगे।