मुंगेली, 06 अप्रैल 2020। नोवेल कोराना वायरस (कोविड-19) के वैश्विक संक्रमण ल देखत जिला के कई सामाजिक संगठन अउ समाज सेवी मन कोति ले मुख्यमंत्री सहायता कोष अउ जिला सहायता कोष बर मुक्त हस्त ले सहायता देहे जावत हे। इही कड़ी म आज मुंगेली जिला म जनपद सदस्य श्रीमति सावित्री विजय साहू ह कलेक्टर कार्यालय म कलेक्टर डॉ. सर्वेश्वर नरेंद्र भुरे ल जिला सहायता कोष बर 21 हजार रूपिया के चेक भेंट करिन। कलेक्टर डॉ. भुरे ह 21 हजार रूपिया के चेक बर श्रीमति सावित्री विजय साहू ल धन्यवाद दीन। ओतका बेरा म जिला पंचायत के मुख्य कार्य पालन अधिकारी श्रीमति नुपूर राशि पन्ना घलो उपस्थित रहिन।
मुंगेली ले गुरतुर गोठ बर दिलीप बसंत