16 नवम्बर 2024, शनिवार, रायपुर ।
प्रधानमंत्री आवास योजना (शहरी) 2.0 बर सर्वेक्षण शुरू, नवा हितग्राही मन ल तको अब मिलही आवास
पिछले 11 माह म लगभग 50 हजार आवास पूर्ण
छत्तीसगढ़ म पिछले साल दिसम्बर म मुख्यमंत्री श्री विष्णु देव साय के नेतृत्व म नवा सरकार के गठन के बाद से शहर मन म प्रधानमंत्री आवास योजना के कार्य म तेजी आए हे। दिसम्बर-2023 ले अक्टूबर-2024 के बीच पिछले 11 महीनेच्च म करीब 50 हजार आवास के निर्माण पूर्ण करे गे हावय। प्रधानमंत्री श्री नरेन्द्र मोदी के हर गरीब बर आशियाना के सपना ल पूरा करे के काम छत्तीसगढ़ म तेजी ले होवत हावय। दिसम्बर-2023 म राज्य म नवा सरकार के गठन के बाद प्रधानमंत्री आवास योजना (शहरी) के कार्य म तेजी लावत 49 हजार 834 आवास मन के काम पूर्ण करे गे हावय। जेमे आने आने शहर के हितग्राही मन कोति ले अपन खुद के जमीन म बनाए गए 44 हजार 419 अउ योजना के संगे संग भागीदारी म किफायती आवासीय परियोजना मन के माध्यम ले निर्मित 5415 आवास संघरे हावय।
ऽ उप मुख्यमंत्री अउ नगरीय प्रशासन अउ विकास मंत्री श्री अरुण साव ह बताइन कि बीते 11 महीना म योजना के भौतिक अउ वित्तीय प्रगति म बने तेजी आए हवय। सबो नगरीय निकाय मन म बनाए जावत आवास अउ निर्माण एजेंसी मन के कार्य के सरलग समीक्षा करे जावत हावय अउ उन मन ल गरीब मन के सपना ल लउहे पूरा करे बर ताकीद घलो करे गे हावय। उन मन बताइन कि पिछले 11 महीना के दौरान हरेक माह औसतन हितग्राही मन द्वारा अपन खुद के भूमि म बनाए जावत 4002 मकान के काम पूर्ण करे गे हावय, जबकि वर्ष 2018 से 2023 के बीच येह औसत केवल 1592 रिहिसे। योजना के संग भागीदारी म बनाए जावत किफायती आवासीय परियोजना मन के निर्माण अउ आबंटन म तको तेजी लावत विगत 11 महीना म 7348 परिवार ल आवास आबंटित करके 5855 हितग्राही मन ल पूर्ण आवास म व्यवस्थापित करे गे हावय।
उप मुख्यमंत्री श्री अरुण साव ह बताइन कि प्रधानमंत्री आवास योजना (शहरी) 2.0 बर तको प्रदेश म सर्वेक्षण शुरू होगे हावय। एकर अंतर्गत अइसन शहरी पात्र परिवार जिन मन ल प्रधानमंत्री आवास योजना के पहिली चरण म आवास नइ मिल पाए रिहिसे, उन मन ल पक्का मकान उपलब्ध कराया जाही। प्रधानमंत्री आवास योजना (शहरी) 2.0 म हितग्राही मन के सुविधा बर आवास बर आवेदन के प्रक्रिया के सरलीकरण करे गे हावय। आवास के आवेदन सरलतापूर्वक ऑनलाईन माध्यम से भारत सरकार के अधिकृत पोर्टल म स्वयं हितग्राही द्वारा दर्ज करे जा सकत हे। एकर संगे संग प्रदेश के सबो 189 अधिसूचित नगरीय निकाय मन म हेल्पडेस्क के माध्यम ले तको आवेदन के प्रक्रिया संपादित करे जा सकत हे।
प्रधानमंत्री आवास योजना (शहरी) के अंतर्गत राज्य के आने आने नगरीय निकाय मन म कुल दू लाख 49 हजार 166 आवास स्वीकृत हावय। एमें लाभार्थीं मन द्वारा अपन खुद के भूमि म बनाए जाने वाला दू लाख 11 हजार 069 अउ किफायती आवासीय परियोजना के तहत बनइया 38 हजार 097 आवास शामिल हवय। शहरी गरीब मन के स्वयं के पक्का मकान के सपना लउहे पूरा करे बर नगरीय प्रशासन अउ विकास विभाग द्वारा तेजी से इन आवास मन के निर्माण जावत हावय। योजना के तहत राज्य म अब तक कुल एक लाख 96 हजार 967 आवास पूरा करे जा चुके हावय, जेमा के एक लाख 74 हजार 967 आवास हितग्राही मन द्वारा बनाए गे हवय। उहेंचे किफायती आवासीय परियोजना के तहत 21 हजार 600 आवास के निर्माण पूर्ण करे गे हवय। प्रधानमंत्री आवास योजना (शहरी) के अंतर्गत प्रदेश के नगरीय निकाय मन म अभी कुल 48 हजार 346 आवास के काम प्रगति म हावय, जेन मन ल तेजी से पूरा किया जावत हावय।
