अनुसूचित जाति विकास प्राधिकरण के प्रदेश कार्यालय के मुख्यमंत्री श्री भूपेश बघेल ह करिन लोकार्पण

दुर्ग, 2 दिसंबर 2020। मुख्यमंत्री श्री भूपेश बघेल ह आज जिला मुख्यालय दुर्ग म बी.एस.एन.एल भवन परिसर म अनुसूचित जाति विकास प्राधिकरण के प्रदेश कार्यालय के शुभारंभ करिन। मुख्यमंत्री ह लोकार्पण अवसर म कार्यालय के अवलोकन करिन। उमन अनुसूचित जाति विकास प्राधिकरण के कार्यालय ल ए वर्ग के मनखे मन के विकास बर कारगर कदम बताइन। कार्यालय के शुभारंभ होए म अनुसूचित जाति वर्ग के मनखे मन ह हर्ष व्यक्त करिन अऊ मुख्यमंत्री ल साधुवाद दीन। जानबा हे के प्रदेश सरकार ह अनुसूचित जाति वर्ग के मनखे मन के कल्याण अऊ विकास बर बहुत अकन महत्वकांक्षी योजना संचालित करे जात हे। अनुसचित जाति विकास प्राधिकरण के कार्यालय के शुभारंभ होए ले ए विकास योजना मन ल गतिमान पूर्वक पहुंचाए म मदद मिलही। संगे-संग समुदाय के विकास बर नवा दुवार घलोक खुलही।