नवा पढ़ईया लईका मन के पाठ्यपुस्तक, गणवेश अऊ पिपि ले होही स्वागत
रायपुर, छत्तीसगढ़ राज्य के सबो स्कूल मन के दरवाजा काली ले लइका मन बर खुल जाही अऊ स्कूल फेर लइका मन ले गुलजार होही। पाछू कुछ बछर ले स्कूल मनल 15 जून के दिनेच लइका मन बर खोल दे जात रहिस, फेर ए पइत भीषण गरमी परे के सेती अऊ मानसून के देरी के सेती राज्य शासन ह स्कूल मन ल 24 जून ले चालू करे के निर्णय लीस।
आप मन जानतेच हव कि स्कूल शिक्षा विभाग कोति ले स्कूल मन म लइका मन के आगमन ले पहिली स्कूल मन के साफ-सफाई अऊ रंगाई-पुताई के संगें-संग शिक्षक मन संग सबो कर्मचारी मन ल 18 जून ले रोजाना स्कूल पहुंचे के निर्देश देहे गए रहिस। तारीक बदले के बाद अब पहली, छटवीं अऊ नवमीं कक्षा म प्रवेश करइया सबो पढ़ईया लईका मन के स्वागत 24 जून के दिन तिलक लगाके पाठ्यपुस्तक, गणवेश अऊ पिपरमेंट चकलेट देके करे के तैयारी करे गए हे।
