गरियाबंद : मुख्यमंत्री स्कूल जतन योजना ले संवरत हे जिला के स्कूल

गरियाबंद 22 जुलाई 2023
छत्तीसगढ़ शासन के महत्वाकांक्षी मुख्यमंत्री स्कूल जतन योजना के अंतर्गत अब जिला के स्कूल संवरे लगे हे। जिला म योजना अंतर्गत शाला भवन मरम्मत नवीनीकरण अउ जीर्णोद्धार बुता के संग अतिरिक्त कक्ष निर्माण कराय जाथ हे।
     प्राप्त जानकारी के अनुसार मुख्यमंत्री स्कूल जतन योजना के तहत प्राथमिक शाला देवरीबाहरा,  शासकीय पूर्व प्राथमिक शाला भवन सोहागपुर अउ पारागांव के स्कूल भवन के जीर्णोद्धार के काम करे जाथ हे। जेमा प्राथमिक शाला देवरीबहरा के 4 लाख 56 हजार रूपिया के लागत ले उन्नयन के काम करे गय हे। इसने मुख्यमंत्री स्कूल जतन योजना के अंतर्गत माध्यमिक शाला भवन सोहागपुर ब 4 लाख 23 हजार रूपिया के लागत ले जीर्णोद्धार के काम करे गईस। शासकीय पूर्व माध्यमिक शाला पारागांव म छत के स्थिति पहिली बनेच खराब रहिस हे। ए स्कूल भवन म 4 लाख 56 हजार रूपिया के लागत ले कंक्रीट ग्रेडिंग वाटर प्रूफिंग कम्पाउंड के काम होए ले छत ले पानी टपके के समस्या ठीक हो गइस। मुख्यमंत्री स्कूल जतन योजना के अंतरगत जीर्णोद्धार होए अउ नवा भवन मिल जाए ले सब्बों लईका मन अबड़ खुस हे।
Success story
Neha Rathore