रायपुर, स्कूल शिक्षा ल प्रोत्साहित करे के उद्देशय ले एलेट्स टेक्नोमीडिया के संग डिजिटल लर्निंग पत्रिका 13वां स्कूल लीडरशिप समिट के आयोजन 27 सितमबर 2019, के दिन रायपुर छत्तीसगढ़ म ओपी जिंदल विश्वविद्यालय, रायगढ़ कोति ले संचालित करे जावत हे। जऊन ल हाले म भारत के उभरत विश्वविद्यालय अऊ भारत के सबले भरोसा वाले तकनीकी विश्वविद्यालय के रूप म मान्यता पाए हे। सम्मेलन के उद्घाटन माननीय उमेश नंदकुमार पटेल, उच्च शिक्षा मंत्री, छत्तीसगढ़ सरकार मुख्य अतिथि के रूप म रइहीं। प्रमोद दुबे, महापौर, रायपुर नगर निगम अऊ शिव अनंत तायल (आईएएस) आयुक्त, रायपुर नगर निगम, श्री प्रवीण पुरंग, कुलाधिपति, ओपी जिंदल विश्वविद्यालय, रायगढ़, डॉ आर.डी. पाटीदार, कुलपति, ओपी जिंदल विश्वविद्यालय, रायगढ़ अऊ डी बी के स्थापक, पूर्व-कुलाधिपति, ओपी जिंदल विश्वविद्यालय, रायगढ़, डॉ संजीव पी साहनी, जिंदल इंस्टीट्यूट ऑफ बिहेवियरल साइंसेज, जिंदल ग्लोबल यूनिवर्सिटी, सोनीपत, हरियाणा, जइसे प्रतिष्ठित व्यक्तित्व घलोक ये सम्मेलन के हिस्सा होही। ये सम्मेलन म शिक्षा क्षेत्र म सबसे जादा चर्चित विषय मन म ले एक ले सम्बोधित करे जाही।
ड्राफ्ट न्यू एजुकेशन पालिसी, एजुकेशनल अर्टिफिशल इंटेलिजेंस एंड बिग डाटा ए एजुकेशनल के अभूतपूर्ण विकास, एडुटेक समाधान प्रदाता डिजिटल शिक्षा ल सरल बनाए, स्कूली शिक्षा म पुन: परिभाषित मूल्यांकन अऊ बहुत अकन विषय मन ल सम्बोधित करे जाही। प्रदर्शनी म पारिस्तिथिकी तंत्र म एकदम नवा अऊ अत्याधुनिक प्रौद्योगिकी के प्रदर्शन घलोक करे जाही। एखर अलावा ये सम्मेलन म – टीचर्स ग्लोरी अवार्ड्स के घलोक आयोजन करे जाही, जऊन शिक्षक मन ल शिक्षा क्षेत्र म उंखर ताकत अऊ जूनून के लाभ उठाए बर प्रोत्साहित करही। एखर बाद एक वैधानिक सत्र होही, जेमां कई ठन विद्यालय मन के प्रतिष्ठित गणमान्य मनखे ल शिक्षा के क्षेत्र म ऊंखर उत्कृष्ट योगदान बर सम्मानित करे जाही। पाछू 12 संस्करण मन म एलेट्स खुद बर एक जगा बनाए म सफल रहे हे। स्कूल लीडरशिप समिट ह कई ठन शिक्षा हितधारक मन ल तकनिकी हस्तक्षेप कोति ले सशक्त बेहतरीन प्रथा मन उपर विचार विमर्श करे बर सकेले के उदीम ये।
ओपी जिंदल विश्वविद्यालय के उप – कुलपति डॉ आर डी पाटीदार ह ये सम्मेलन के सबो भाग लेवईया मन ल शुभकामना दिए हें अऊ सम्मेलन ल भव्य रूप ले सफल बनाए बर ओपी जिंदल विश्वविद्यालय के पूरा सहयोग देहे के आश्वासन देहे हें।