वैज्ञानिक पद्धति अऊ नवाचारी खनन के माध्यम ले विकास अऊ पारदर्शिता के नवा कहानी लिखत हे छत्तीसगढ़ : मुख्यमंत्री श्री साय

मुख्यमंत्री श्री साय छत्तीसगढ़ माइनिंग कॉन्क्लेव 2025 म संघरिन
आईएसएम धनबाद अऊ छत्तीसगढ़ भौमिकी अऊ खनन संचालनालय के बीच क्रिटिकल मिनरल के अन्वेषण बर होइस एमओयू
कोल इंडिया अऊ छत्तीसगढ़ खनिज विकास निगम के बीच महत्वपूर्ण समझौता
मुख्यमंत्री श्री साय ह खनिज ऑनलाइन 2.0, डीएमएफ पोर्टल अऊ रेत खदान मन के नीलामी खातिर रिवर्स ऑक्शन पोर्टल के करे गीस शुभारंभ
5 माइनिंग ब्लॉक मन के एनआईटी जारी अऊ 9 खदान मन ल देहे गीस प्रिफर्ड बिडर आदेश
पर्यावरण प्रबंधन अऊ सुरक्षा मानक मन के संग बेहतर काम करइया 43 खदान मन ल मिलिस स्टार अवॉर्ड
रायपुर/ छत्तीसगढ़ प्राकृतिक संसाधन ले समृद्ध राज्य हे। इहां लौह अयस्क, कोयला, बॉक्साइट, सोना, हीरा अऊ कॉपर जइसन बहुमूल्य खनिज प्रचुर मात्रा म उपलब्ध हे। हाल के खोज ले राज्य क्रिटिकल अऊ दुर्लभ खनिज मन के क्षेत्र म अऊ सशक्त होय हे। मुख्यमंत्री श्री साय ह आज नवा रायपुर म आयोजित छत्तीसगढ़ माइनिंग कॉन्क्लेव 2025 ल संबोधित करत ये बात कहिन। ए बेरा म मुख्यमंत्री के उपस्थिति म आईएसएम धनबाद अऊ छत्तीसगढ़ भौमिकी अऊ खनन संचालनालय, अऊ कोल इंडिया अऊ छत्तीसगढ़ खनिज विकास निगम के बीच महत्वपूर्ण एमओयू हस्ताक्षरित होइस। संगे 5 माइनिंग ब्लॉक मन के एनआईटी जारी करे गीस अऊ 9 खदान मन ल प्रिफर्ड बिडर आदेश देहे गीस। मुख्यमंत्री श्री साय ह खनिज ऑनलाइन 2.0, डीएमएफ पोर्टल अऊ रेत खदान मन के ऑनलाइन नीलामी खातिर रिवर्स ऑक्शन पोर्टल के शुभारंभ तको करिन।