हत्या के आरोप में उम्र कैद के सजा काटत कैदी के आत्महत्या के मामला के जाँच दण्डाधिकारी करहि अउ एसडीएम दुर्ग जांच अधिकारी रही

दुर्ग 26 जून 2020/ कलेक्टर अउ जिला दण्डाधिकारी डाॅ. सर्वेश्वर भुरे हा विगत 20 जून के हत्या के आरोप में उम्र कैद के सजा काटत रहिस कैदी द्वारा आत्महत्या के मामला के दण्डाधिकारी जांच के आदेश जारी कर देहे। दण्डाधिकारी जांच बर अनुविभागीय दण्डाधिकारी दुर्ग (शहर) ला जांच अधिकारी नियुक्त करे हावे । जिला दण्डाधिकारी हा एक माह के भीतर जांच प्रतिवेदन प्रस्तुत करे ला बोले हे । जांच ये बिन्दु मन के आधार पर करही । का दण्डित बंदी कोनो गंभीर बीमारी ले पीड़ित रिहिस ? का बंदी ला समय पर चिकित्सा उपलब्ध कराये रिहिस ? बंदी के मृत्यु का परिस्थिति मन में होइस ? का ये घटना ला टाले जा सकथे ? अउ दण्डित बंदी के मृत्यु बर जेल अधिकारी अउ कर्मचारी हा तो जिम्मेदार नही हे ? एखर अलावा अउ दूसर बिन्दु जे जांच अधिकारी उचित समझे, ओखर आधार पर जांच प्रतिवेदन प्रस्तुत करे जाही ।
उल्लेखनीय हे कि बेमेतरा जिले के परपोड़ी निवासी 23 वर्षीय दण्डित बंदी शिवाकर उर्फ शिवा योगी हा 20 जून को जेल अस्पताल, केन्द्रीय जेल दुर्ग के बाथरूम में फाँसी लगा के आत्महत्या कर लीस । कैदी ला सत्र न्यायाधीश द्वारा 28 जून 2019 को पारित निर्णय में आजीवन कारावास के सजा सुनाये रिहिस । जेखर बाद ओला 30 जून 2019 को उपजेल बेमेतरा ले केन्द्रीय जेल दुर्ग में स्थानातरित करे गे रिहिस। कैदी के आत्महत्या के बाद जेल अधिक्षक द्वारा जिला दण्डाधिकारी ला मृत्यु के जांच हेतु पत्र लिख के जांच बर आग्रह करे रिहिस ।