संभागायुक्त दुर्ग संभाग श्री कावरे के उदुपहा जांच

दुर्ग, श्री महादेव कावरे, संभागायुक्त दुर्ग संभाग ह जिला के मुख्यालय अनुविभागीय अधिकारी कार्यालय, तहसील कार्यालय अउ जिला पंचायत कार्यालय के उदुपहा जांच करिन। श्री कावरे ह पहिली जिला पंचायत दुर्ग म भिनसरहा 10.30 बजे अचानक दबिश दीन, जांच के समय कार्यालय म कुल 06 अधिकारी अउ कर्मचारी अनुपस्थित पाए गीस। अनुपस्थित कर्मचारी फत्ते सिंह राजपूत, डी.एस. राजपूत, रविशंकर नामदेव, बिरेन्द्र देवांगन, थानेश्वर चन्द्राकर ल कारण बताओ नोटिस के संग 01 दिन के वेतन काटे के निर्देश देहे गीस। पंचायत विभाग दुर्ग म पदस्थ अधिकारी सहायक संचालक श्रीमती काव्या जैन ल घलोक अनुपस्थित पाए जाय म कारण बताओ नोटिस जारी करे गीस।
निरीक्षण के समय श्री कावरे ह सबो शाखा म जाके अभिलेख मन के जांच करिन, स्थापना शाखा म सेवा पुस्तिका के अवलोकन करे गीस जेन म नॉमिनेशन प्रपत्र सक्षम अधिकारी कोति ले अभिप्रमाणि नइ होना पाए गीस संगेच कुछ कर्मचारी मन के सामान्य भविष्य निधि पासबुक अपडेट नइ होना पाए म नाराजगी व्यक्त करे गीस। संभागायुक्त ह रोकड़ बही संधारित करे अउ अनुदान पंजी संधारित करे के निर्देश सबंधित कर्मचारी ल दीन।
अनुविभागीय अधिकारी अउ न्यायालय तहसीलदार अउ न्यायालय नायब तहसीलदार म लंबित न्यायालयीन प्रकरण मन के जादा संख्या म नाराजगी व्यक्त करत उमन संबंधित तहसीलदार श्रीमती प्रेरणा सिह अउ नायब तहसीलदार मन ल सुनवाई बर जादा संख्या म प्रकरण लगाए के निर्देश दीन संगेच न्यायालय म सुनवाई बर निश्चित समय निरधारित करे के निर्देश दीन।