- यात्री अपन स्वास्थ्य के जांच करायं अउ पुलिस प्रशासन ल रिपार्ट करयं
- नागरिक घलोक दे सकत हें टोल फ्री नंबर 104 म जानकारी
रायपुर, 26 मार्च 2020। रायपुर जिला के अकतहा जिला दंडाधिकारी श्री विनीत नंदनवार के बताती हाले म विदेश यात्रा ले आए 17 मनखे के पुलिस ह तलाश करत हे। ए सबो यात्री मन ल मीडिया के माध्यम ले सूचित करे जात हे के ओ मन अपन चिकित्सकीय परीक्षण अनिवार्य रूप ले करवावयं। पुलिस अउ प्रशासन ल रिपोट करयं अऊ कोनो प्रकार के जानकारी झन छुपावयं। जानकारी छुपाए ले, ऊंखर, ऊंखर परिवार बर अऊ समाज, राज्य अऊ देश बर घातक साबित हो सकत हे।
अकतहा जिला दंडाधिकारी ह कहिन के ए मन ल जनइया या चिन्ह-पहिचान वाले आन मनखे घलोक टोल फ्री नंबर 104 म इंकर संबंध म जानकारी दे सकत हें। ए 17 यात्री मन के नाम हे श्री उम्मे कुलसुम सोमन्ना, तरण टाइन, फूंग ए फुक, सिमरत, मेगाबाई, मनिया बाई, बाई सोहना, दास टीकम, सुलक्षणि, कुकरेजा मुकेश कुमार, कुमार अनीश, कुमार आयुष, बाई शबीता, मनधानी शिवम, अग्रवाल शिवम, पुष्कर त्यागी अऊ अजय राव।