दुर्ग 07 जुलाई 2020। मुख्यमंत्री के सचिव श्री सिद्धार्थ कोमल परदेशी ह आज पाटन म क्रेडा कोति ले बनाए जात सौर सामुदायिक सिंचाई योजना के निरीक्षण करिन। उमन बोरेंदा म सामुदायिक सिंचाई योजना के तको निरीक्षण करिन। क्रेडा के अधिकारी मन ह ओ मन ल बताइन के बोरेंदा गांव म खारून नदी म एनीकट म उपलब्ध जलस्रोत ले 20 एचपी के 5 नग पंप के माध्यम ले 217 किसान मन के 250 हेक्टेयर जमीन म सिंचाई होही।
ये परियोजना के पूरा होए ले हितग्राही मन तीन फसल ले सकहीं। एखर अलावा 21 एकड़ क्षेत्र म 3 नग तालाब ल भरे के योजना तको ये मा सामिल हे। ये मा खेत मन म पाइप लाइन विस्तार के काम पूरा हो गए हे। कंट्रोल रूम अऊ पैनल स्ट्रक्चर के काम चलत हे। सचिव महोदय ह काम मन ल सहराइन अऊ 30 जुलाई तक एला पूरा करे के हुकुम दीन। ये मौका म श्री परदेशी ह पौधरोपण घलोक करिन कार्यक्रम म अधीक्षण अभियंता क्रेडा श्री दिनेश अवस्थी, एसडीएम श्री विनय पोयाम, सीईओ श्री मनीष साहू, सहायक अभियंता श्री टीआर ध्रुव संग आन अधिकारी उपस्थित रहिन।
