रायपुर 1 मार्च 2020। राष्ट्रपति श्री रामनाथ कोविंद अपन निरधारित कार्यक्रम के मुताबिक आज बिलासपुर जिला मुख्यालय स्थित छत्तीसगढ़ भवन पहुंचिन। राष्ट्रपति श्री कोविंद के संग छत्तीसगढ़ के राज्यपाल सुश्री अनुसुईया उईके, छत्तीसगढ़ शासन के उच्च शिक्षा मंत्री श्री उमेश पटेल घलोक छत्तीसगढ़ भवन पहुंचिन। राज्यपाल के सचिव श्री सोनमणी बोरा ह छत्तीसगढ़ भवन म राष्ट्रपति के आत्मीय स्वागत करिन। ये बेरा म कलेक्टर डॉ. संजय अलंग उपस्थित रहिन।
जानबा हे कि राष्ट्रपति श्री कोविंद भारतीय वायुसेना के तीन हेलीकाप्टर के काफिला के संग आज 01 मार्च के अपन दू दिन के प्रवास म बिलासपुर पहुंचे हें। राष्ट्रपति श्री कोविंद काल 2 मार्च के बिहनिया 10 बजे गुरू घासीदास केन्द्रीय विश्वविद्यालय कोनी म आयोजित दीक्षांत समारोह म सामिल होहीं। कार्यक्रम के पाछू राष्ट्रपति श्री कोविंद स्वामी विवेकानंद विमानतल रायपुर बर रवाना होहीं।