- निर्माणाधीन आवासीय भवन मन के प्रगति के लरन जानकारी
- विधायक मन के आवासीय परिसर बर प्रस्तावित स्थल के घलोक करिन मुआयना
रायपुर, 29 अगस्त 2020। मुख्यमंत्री श्री भूपेश बघेल अऊ विधानसभा अध्यक्ष डॉ. चरणदास महंत ह आज नवा रायपुर म नवा विधानसभा भवन के भूमिपूजन समारोह के बाद सेक्टर-24 के भ्रमण करके उहां निर्माणाधीन राजभवन, मुख्यमंत्री निवास, मंत्रीगण अऊ वरिष्ठ अधिकारी मन के निर्माणाधीन आवासीय परिसर मन के प्रगति के जानकारी अधिकारी मन ले लीन। मुख्यमंत्री अऊ विधानसभा अध्यक्ष ह एखर बाद विधायक मन के घर बर प्रस्तावित स्थल के निरीक्षण घलोक करिन। ये बेरा म गृहमंत्री श्री ताम्रध्वज साहू, राजस्व मंत्री श्री जय सिंह अग्रवाल, खाद्यमंत्री श्री अमरजीत भगत, बहुत अकन विधायक छत्तीसगढ़ गृह निर्माण मंडल के अध्यक्ष श्री कुलदीप जुनेजा, मुख्यमंत्री के अपर मुख्य सचिव श्री सुब्रत साहू, सचिव श्री सिद्धार्थ कोमल सिंह परदेशी, नवा रायपुर विकास प्राधिकरण के मुख्य कार्यपालन अधिकारी श्री अंकित आनंद घलोक उपस्थित रहिन।