धान के सुरक्षा के पुख्ता इंतजाम : संग्रहण केन्द्र मन म बनही चबूतरा

रायपुर, 24 जून 2020। मुख्यमंत्री श्री भूपेश बघेल के पहल म प्रदेश के धान संगहण केन्द्र मन म चबूतरा निर्माण के सिलसिला शुरू हो गए हे। संग्रहण केन्द्र मन म चबूतरा बन जाय ले अवइया साल के धान खरीदी सीजन म किसान मन के धान खराब नइ होही। कबीरधाम जिला म 4 करोड़ 15 लाख रूपिया के लागत ले कई ठन धान संग्रहण केन्द्र मन म 215 नवा चबूतरा के निर्माण शुरू हो गए हे। कबीरधाम जिला के कई ठन धान संग्रहण केन्द्र मन म चबूतरा निर्माण के काम प्रगति म हे। चबूतरा बन जाय ले धान ल वर्षा म भीगे ले बचाए जा सकही संगेच चूहा अउ कीड़ा-मकोड़ा के प्रकोप ले घलोक धान के सुरक्षा हो सकही। कबीरधाम जिला के ग्रामीण क्षेत्र मन म चबूतरा निर्माण काम महात्मा गांधी राष्ट्रीय ग्रामीण रोजगार गारंटी योजना अउ 14 वां वित्त योजना के राशि ले स्वीकृत करे गए हे। सबो धान चबूतरा ल 30 जून तक पूरा कराए के हुकुम मैदानी अमला मन ल देहे गए हे।