– कलेक्टर ह कृषि केन्द्र मन के जांच करके बीज, उर्वरक अउ कीटनाशक मन के जांच करे के दीन निर्देश
– नियम अउ शर्त मन के उल्लंघन करे म संबंधित फर्म मन के विरूद्ध करे जात हे कार्रवाई
राजनांदगांव, कलेक्टर डॉ. सर्वेश्वर नरेन्द्र भुरे के हुकुम के मुताबिक कृषि केन्द्र के निरीक्षण करे जात हे। इही कड़ी म कृषि विभाग के टीम ह राजनांदगांव शहर के बसंतपुर चौक न्यू गंज मंडी के आगू के मेसर्स सुजल कृषि केन्द्र के उदुपहा जांच करिस अउ जांच म फर्म कोति ले बिना अनुज्ञप्ति के बीज अउ कीटनाशक के विक्रय करना पाइस। कृषि विभाग के टीम ह बीज गुण नियंत्रण आदेश अउ जरूरी जिनिस अधिनियम के तहत अनियमितता पाये जाय म विक्रय स्थल ल सील करे के कार्रवाई करिस। जिला म मानसून के आगमन के संग खरीफ 2025 म फसल के बुवाई प्रगति म हे। विपुल उत्पादन देवइया फसल के किस्म के बीज सहकारी अउ निजी संस्था ले तेजी से विक्रय होवत हे। कलेक्टर कोति ले निरधारित मूल्य म कृषि आदान सामान, बीज, उर्वरक अउ कीटनाशक मन के उपलब्धता सुनिश्चित करे जात हे अउ अनुज्ञप्ति के नियम अउ शर्त के उल्लंघन करे म संबंधित फर्म के विरूद्ध कार्रवाई करे के निर्देश देहे गे हे।
उप संचालक कृषि श्री नागेश्वर लाल पाण्डेय ह बताइस के बीज व्यापारी नेतराम सोनकर ल बीज नियंत्रण आदेश के उल्लंघन करत बीज विक्रय अउ बीज भंडारण अउ उपयोग करे के कारण मेसर्स सुजल कृषि केन्द्र म उपलब्ध सामान ल जप्त करे गीस अउ बीज व्यापारी नेतराम सोनकार ल जप्ती के नोटिस दे गीस। जप्त करे उर्वरक ल आगामी आदेश तक बिक्री झन करे अऊ ए जगा ले झन हटाए अउ आन जगा भंडारित झन करे के निर्देश देहे गे हे। जानबा हे के मेसर्स सुजल कृषि केन्द्र म बिना लाइसेंस के 14 प्रकार के कीटनाशक के भंडारण पाए गीस। जेखर जप्ति के कार्रवाई करे गीस। अनुज्ञप्ति के नवीनीकरण नइ कराए, स्टॉक रजिस्टर संधारित नइ करे, बीज मूल्य दर के प्रदर्शन नइ पाए जाए, लाईसेंस यथोचित स्थान म प्रदर्शित नइ करे जाए, अनुज्ञप्ति म स्रोत प्रमाण पत्र जुड़वाएं बिना विक्रय करे जाना, बिना सूचना के स्थान बदलाव करके व्यवसाय करना पाए गीस। बीज गुण नियंत्रण आदेश अउ जरूरी चीज अधिनियम के तहत ये कार्रवाई करे गीस।
कार्रवाई म बिना स्त्रोत प्रमाण पत्र के धान बीज, किसिम जलमित्रा 250 किग्रा, किस्म-रत्ना 30 किग्रा, किस्म-828 160 किग्रा, किसिम चिंटू 20 किग्रा, किस्म-दीपरेखा 70 किग्रा पाए गीस। अइसनहे खरपतवार नाशक प्रिटिलाक्लोर 12 लीटर, बिसपायरीबेक सोडियम 10 प्रतिशत ईसी 3.9 लीटर, साथी 10 प्रतिशत डब्ल्यूपी 10 लीटर, एट्राजीन 50 प्रतिशत डब्ल्यूपी 10 लीटर, कीटनाशक अउ फफूंदनाशक-क्लोरोपायरीफास 50 प्रतिशत + सायपरमेथ्रीन 5 प्रतिशत 8 लीटर, पेण्डीमेथालीन 30 प्रतिशत ईटी 2 लीटर, क्लोरोपायरीफास 20 प्रतिशत ईसी 19 लीटर, लेम्बडासायहेलोथ्रीन 4.9 प्रतिशत 21 लीटर, बायोफेन्थीन 13 लीटर, हेक्जाकोनाजोल 11 लीटर, डाईमेथोएट 30 प्रतिशत ईसी 21 लीटर, एसीफेट 12.5 लीटर, कॉपरआक्सीक्लोरामाईट 50 लीटर डब्ल्यूपी 17 लीटर, मेन्कोजेब 75 प्रतिशत डब्ल्यूपी 10 लीटर आदि 14 प्रकार के कृषि औषधि मन के विक्रय करना पाए गीस। कार्रवाई म अनुविभागीय कृषि अधिकारी श्री संतलाल देशलहरे, बीज अउ कीटनाशी निरीक्षक श्रीमती रमशीला गौरकर अउ श्री विरेन्द्र यादव अउ आन ग्रामीण कृषि विस्तार अधिकारी सामिल रहिन।
नांदगांव के मेसर्स सुजल कृषि केन्द्र ल कृषि विभाग ह करिस सील
