जांजगीर, 24 नवंबर 2020। जांजगीर के गुदरी गांव म पराली जलाए के दौरान एक किसान के साल भर के मेहनत पलभर म तबाह होगे। पराली जलाए के दौरान बगल वाला खेत म घलो आग लग गए। खेत म किसान के फसल कट के रखे गए रिहिस। पराली के आग ह किसान के फसल ल पलभर म तबाह कर दीस।
अपन सालभर के मेहनत पलभर म आग म खाक होवत देख किसान खुद ल रोक नई पाइस। किसान खेत म ही फूट-फूटबक रोइस, काबर फसल के कीमत एक किसान ले जादा कोई अऊ नई समझ सके।
कर्जा लेके न जाने ए फसल ल बड़ा करे म किसान ह कतना जतन अऊ जद्दोजहद करे होही। अपन फसल ल आंख के आगु राख होवत देख किसान रो-रोके बेहाल हे। ए घटना के बाद राजस्व विभाग ल नुकसान के आंकलन बर सूचित करे गए हे। उहें किसान ह मुआवजा के मांग करे हे।
