जशपुरनगर म कलेक्टर ह मजदूर मन बर तुरंते कराईन गाड़ी के व्यवस्था

जशपुरनगर म मजदूर मन ल पैदल चलत देख के कलेक्टर ह उमन ल उंकर घर पहुंचाए बर तुरंते कराईन गाड़ी के व्यवस्था : कलेक्टर के दरियादिली देखके मजदूर मन ह दीन धन्यवाद

जशपुरनगर, 28 अप्रैल 2020। कलेक्टर श्री निलेशकुमार महादेव क्षीरसागर ह जिला के दौरा करत रहिन तभे रद्दा म पैदल चलत मजदूर मन ल देख के अपन गाड़ी रोकवाईन। उमन अपन गाड़ी रोकके मजदूर मन के हाल चाल जानिन। श्रमिक गौरेलाल, संतोष गुलापी ह बताइस के उमन जसपुर ले अपन गांव रायगढ़ जिला के धरमजयगढ़ विकासखंड पतरातोली जावत हें। कलेक्टर ह उंखर परेशानी ल देखत तुरते कुनकुरी विकासखंड के एसडीएम ल मजदूर मन बर गाड़ी के व्यवस्था करे के हुकुम दीन अऊ मजदूर मन ल सकुशल ऊंखर घर पहुंचाए बर कहिन। कलेक्टर के दरियादिली ल देखके मजदूर मन ह धन्यवाद दीन।