चोरी के लोहा ले भरे ट्रक जब्त, चालक गिरफ्तार

जांजगीर-चांपा, 3 अप्रैल 2021। जांजगीर-चांपा जिला के नैला चौकी क्षेत्रांतर्गत सरलग होवत चोरी के घटना मन के रोकथाम अऊ नियंत्रण बर पुलिस अभियान चलावत हे। ये दौरान 2 अप्रैल के रेल्वे फाटक नैला के तीर बलौदा के डाहर ले आवत एक पिकअप वाहन ल चेक करे गीस। चेक करे म वाहन म लोहा के एंगल, प्लेट पट्टा अऊ मशीनरी पार्ट्स भरे मिलिस। चालक उमेश देवांगन (32) निवासी जांजगीर चांपा ल नोटिस देके वाहन तथा ओमा भरे लोहा के सामान के कागजात पेश करे बर कहे गीस। जब चालक के डाहर ले कोई कागजात पेश नइ करे म पुलिस ह वाहन म भरे लोहा के सामान चोरी के सम्पत्ति होय के संदेह म वाहन मय लोहा के वजनी 11 क्विंटल कीमती 22,000 रुपिया ल जब्त कर लेहे हे। आरोपी चालक ल विभिन्न धारा के तहत गिरफ्तार करके न्यायिक रिमाण्ड म भेजे गीस।