स्वरोजगार स्थापित करे ल महिला मन लेवत हे केक बनाए के प्रशिक्षण

उत्तर बस्तर कांकेर, नेहा राठौर के खबर/ जिला के युवा मन ल कम दिन म प्रशिक्षण दिए के संग संग आजीविका के साधन घलो उपलब्ध कराए जाथ ह। कलेक्टर डॉ.प्रियंका शुक्ला अउ जिला पंचायत के मुख्य कार्यपालन अधिकारी के निर्देश के अनुसार उत्पाद ल मार्केटिंग(व्यपार) के संग जोड़के स्व-रोजगार स्थापित करे के उद्देश्य ले लाईवलीहुड कॉलेज कांकेर म आजीविका विकास कार्यक्रम के अनतरगत ‘‘केक निर्माण’’ कोर्स ब प्रशिक्षण के व्यवस्था करे गए हे। कार्यक्रम के लक्ष्य आजीविका ब जादा से जादा रोजगार के अवसर पैदा करना हे, जेकर से जिला म निवास करे वाले लोगन के आय म बढ़ोतरी हो सके।
जिला के युवा मन ल स्व-रोजगार ले जोडे़ ब अउ ओमन ल आर्थिक रूप ले ससक्त बनाए ब लाईवलीहुड कॉलेज म एक अबड़ बढ़िया पहल करे गए हे। इहां ल केक बनाए सिखे ब 15 दिन के प्रषिक्षण चालू करे गए हे, जेन म जिला के 20 झन नोनी मन केक बनाए ब सिखत हे। ओमन ल केक बनाए के संग कुकीज, नानखटाई, बिस्कुट अउ आईसक्रीम घलो बनाए ब सिखाए जाही। लघु उद्योग स्थापित करे ब वित्तीय स्त्रोत, अपन बनाए समान ल बजार म कईसे बेचना हे तेन सबके गुर अउ अपन उद्योग बढ़ाए ब उद्यमिता विकास विषय म घलो विशेषज्ञ मन के द्वारा प्रशिक्षण दिए जाथ हे, जेकर सहायता ले नोनी मन सफल उद्यमी के रूप म आघू बढ़ के बुता अउ व्यपार करे सके। प्रशिक्षण म ओमन ल निःशुल्क स्टेशनरी(कापी पेन) घलो दिए जाथ हे। जिला म केक के मांग ल देखत हुए नोनी ल स्व-रोजगार ले जोडे़ के ए ह एक ठ बढ़िया विकल्प हो सकत हे।