सूरजपुर के सोनवाही म वर्किगशेड़ निर्माण ले होवत हे आर्थिक सुधार

ईटा बना के स्व सहायता समुह के महिला मन होवत हें आत्मनिर्भर

सूरजपुर, 28 जुलाई 2020। सूरजपुर जिला म छत्तीसगढ़ शासन के महत्वकांक्षी योजना वन अधिकार अधिनियम 2006 के तहत् साल 2005 ले पहिली काबिज वन भूमि म जनजाती या आन समुदाय ल वन अधिकार पत्र बांटे गए हे। जनपद पंचायत सूरजपुर के ग्राम पंचायत सोनवाही म राज्य शासन के निर्देश के मुताबिक एफआरए क्षेत्र के चयन करे गए हे जे ह ग्राम पंचायत सोनवाही के वनाधिकार क्षेत्र के करीबन 43.00 एकड़ म फइले हे।

वन अधिकार अधिनियम 2006 के तहत ग्राम पंचायत सोनवाही म हमर जंगल हमर आजीविका बर पंचायत सोनवाही म मनरेगा के माध्यम ले स्व सहायता समूह ल वर्किग शेड़ निर्माण बर 12.5 हजार रूपिया के स्वीकृति प्रदान करे गए हे। जेमां फ्लाई एशईट निर्माण मशीन जिला प्रशासन सूरजपुर ह देहे हे। जेखर उपयोग करके ग्राम के स्व सहायता समूह के 15 महिला मन ल 3000-4000 रूपिया प्रतिमाह आय प्राप्त होवत हे। एक ईट बनाए के लागत करीबन 2.23 रूपिया प्रतिनग आवत हे अऊ वोला 3.00 रूपिया प्रतिनग के दर ले बेंचे जात हे जेखर से स्व सहायता समुह ल 0.77 रूपिया प्रतिनग के लाभ प्राप्त होवत हे। मनरेगा के माध्यम ले स्व सहायता समूह ल वर्किग शेड़ म ईटा के निर्माण ले बनेच आय प्राप्त होवत हे अउ उंखर आर्थिक स्थिती सशक्त होवत हे। अब ओ मन अपन मूलभूत आवश्‍यकता मन के पूर्ती करे म सक्षम होवत हें। एकर से ओ मन अपन परिवार के उचित रूप ले देखभाल कर पात हें अऊ संगेच अपन लइका मन ल बने स्‍कूल पढ़ावत हें। एखर बर उमन छत्तीसगढ़ शासन ल धन्यवाद ज्ञापित करे हें।