अम्बिकापुर जिला म स्व-सहायता समूह के महिला मन ह बनाइन 16 लाख ले जादा मास्क

अम्बिकापुर, 2 मई 2020। कोविड-19 कोराना वायरस के संक्रमण काल म ओखर रोकथाम बचाव अउ सुरक्षा बर जिला के महिला स्व-सहायता समूह के महिला मन घलोक अपन महत्वपूर्ण भूमिका निभावत हें, कोनो समूह मास्क तियार करत हे त कोनो समूह सैनिटाइजर बनावत हे। दुनों के मांग बाजार म भरपूर होए ले ओ मन ल लाभ घलोक प्राप्त होवत हे जेखर से ओ मन ये लॉकडाउन के स्थिति म घरे म रहिके अपन परिवार के भरण-पोषण बर आय अर्जित करत हें। जिला म कुल 53 समूह के 287 महिला मन मास्क बनाए के काम करत हे। इमन दिन-रात मेहनत करके 16 लाख 7 हजार 880 मास्क तियार करे हें अऊ मास्क के बिक्री करके अब तक 26 लाख रूपिया के लाभ अर्जित करे हें।