रायपुर, मुख्यमंत्री श्री भूपेश बघेल ह आज नवा रायपुर स्थित अरण्य भवन म कई वनमण्डल मन के स्व-सहायता समूह मन कोति ले वनोपज मन ले तैयार कई उत्पाद मन के अवलोकन करिन अऊ सहरइन। जशपुर, कवर्धा, सूरजपुर वनमण्डल मन के स्व-सहायता समूह मन के उत्पाद मन म लाख ले बने चूड़ि, जशपुर के चाय, शहद, च्यवनप्राश, कई वनौषधि, जैविक चावल अऊ जैविक उत्पाद मन के प्रदर्शनी लगाए गए रहिस। जशपुर वनमंडल के वनप्रबंधन समिति सारुडीह, मरवाही वनमंडल के दानीकुंडी समिति, वन-धन स्व-सहायता समूह दानीकुंडी, सूरजपुर वनमण्डल, कवर्धा वनमण्डल के कुकदूर वन समिति कोति ले स्टॉल लगाए गए रहिस। झिटकू-मिटकू वन हस्तशिल्प कला समिति रायपुर के स्टॉल म बेलमेटल अऊ लौहशिल्प के कलाकृति रखे गए रहिस। मुख्यमंत्री स्टॉल मन म उत्पाद मन के संबंध म समूह के सदस्य मन ले जानकारी घलोक लीन।
आदिमजाति विकास मंत्री डॉ. प्रेमसाय सिंह, मुख्यमंत्री के सलाहकार द्वय श्री प्रदीप शर्मा अऊ श्री विनोद वर्मा, वन विभाग के प्रमुख सचिव श्री मनोज कुमार पिंगुआ, प्रधान मुख्य वन संरक्षक श्री राकेश चतुर्वेदी संग स्व-सहायता समूह मन के सदस्य ए अवसर म उपस्थित रहिन। मुख्यमंत्री ‘वन आधारित जलवायु सक्षम आजीविका के दिशा म क्रांतिकारी बदलाव‘ विसय म आयोजित एक दिवसीय परिचर्चा म सामिल होए अरण्य भवन पहुंचे रहिन।