13 करोड़ 18 लाख रूपिया के खदिस गोबर: 3006 गौठान होइस स्वावलंबी
रायपुर, छत्तीसगढ़ सरकार के फ्लैगशिप योजना मन म सामिल सुराजी गांव योजना के तहत निर्मित गौठान तेजी ले स्वावलंबन कोति आगू बढ़त हे। राज्य म अब तक 3006 गौठान स्वावलंबी हो गे हे। स्वावलंबी गौठान अब खुद के राशि ले गोधन न्याय योजना के तहत गोबर के खरीदी करे लगे हे। स्वावलंबी गौठान मन म अपन खुद के राशि ले 13 करोड़ 18 लाख रूपिया के गोबर बिसाए हे। स्वावलंबी गौठान मन के संख्या राज्य म निर्मित अउ संचालित गौठान मन के संख्या के एक तिहाई ले घलोक जादा हे। राज्य म 8366 गौठान निर्मित अउ संचालित हे। रायगढ़ जिला म सबले जादा 279 गौठान स्वावलंबी होए हे। दूसर नंबर राजनांदगांव जिला म 221 अऊ तीसर क्रम जांजगीर-चांपा जिला हे, जिहां 190 गौठान स्वावलंबी होए हे।
कृषि विभाग ले मिले जानकारी के मुताबिक गरियाबंद जिला म 26, धमतरी म 130, बलौदाबाजार म 101, महासमुंद म 170 अऊ रायपुर जिला म 85, कबीरधाम म 141, दुर्ग म 185, बालोद म 67, बेमेतरा म 78, कोरबा म 175, गौरेला-पेण्ड्रा-मरवाही म 28, बिलासपुर म 101, मुंगेली म 82, कोरिया म 121, जशपुर म 75, बलरामपुर म 80, सरगुजा म 105, सूरजपुर म 94, कांकेर म 144, कोण्डगांव म 80, दंतेवाड़ा म 64, नारायणपुर म 7, बस्तर म 102, बीजापुर म 23 अऊ सुकमा जिला म 52 गौठान स्वावलंबी बन गे हे।
